Tungod kay walay yaya si Bunso,kaming duha ang pirming magkauban sa pagtan-aw sa tibilisyon (tawag ni Bunso sa TV). Si Mickey Mouse ang una nakong nakit-an sa TV ug nahimong mousey hero. 81 anyos na si Mickey pero astig lang gihapon. Gi-organisa ang Mickey Mouse Club sa Disney Channel ug daghang Mouseketeers ang nahimong sikat sa shobis: Christina Aguilera, Britney Spears, Ryan Gosling, Justin Timberlake, ug Jessica Simpson. Ang naredyek pero nagsikat gihapon sina songwriter and singer Paul Williams (We’ve only just Begun) ug si Candice Bergen.
Mouseketeers Britney and Justin
Ang ikaduhang mousey hero nako si Mighty Mouse. Murag siyag mousey bersyon ni Superman. Kada sabado, siya ang among gitan-aw ni Bunso sa TV. Kung molipad si Mighty Mouse sa TV, sul-ogan ko ni Bunso og kapa ug ginagunitan para kunohay molupad-lupad ko. Pildi pa nako ang nisakay sa roller-coaster. Lifong gyud ko!
Hapit na daw ipasalida ang film version ni Mighty Mouse. Eksaytid na ko!
Ang una nakong Pinoy nga mousey hero si Ikabod Bubwit nga gidrowing ni Nonoy Marcelo. Ang komik strip ni Ikabod ang usa sa una nakong gibasa kadtong kabalo na ko mobasa.
Si Speedy Gonzales ang fastest mouse in all Mexico. Barkada ni Speedy sila Wile E. Coyote, Road Runners, Sylvester, Tweety Bird, Daffy Duck, Porky Pig ug Bugs Bunny sa Looney Tunes. Spanish-ispiking si Speedy ug siya ang nagpasikat sa “Andale, andale!”
Si Splinter ang master sa Teen-age Mutant Ninja Turtles nga gitudloan niya og ninjutsu. Sila Michaelangelo, Donatello, Leonardo ug Raphael gipanganlan base sa mga sikat nga painter. Ebretaym makit-an nako ang Teen-age Mutant Ninja Turtles mahinumduman nako ang akong mga bro nga sina Tik ug Boy. 😦
Splinter with (from left) Michaelangelo, Donatello, Leonardo and Raphael
Anynomouse :) 